2744 2938 2623 9000 ecjobs@nextdigital.com.hk 香港新界將軍澳工業村駿盈街8號

今期熱話

青雲路 : 畫小夫妻生活趣事 艾美仔傳遞快樂能量

近年社會充斥不少負能量,天災人禍令人垂淚的新聞不斷,影響着大家的情緒和思想,但每當看到一幅使人心頭一暖的畫作時,總會令人稍為放下心中的煩惱,放鬆舒緩一下。插畫師 Amy畫出輕鬆可愛的艾美仔,以幽默抵死的手法,在網絡上分享她與老公的生活點滴,讓人不禁會心微笑。她的畫作更存在於城市的每個角落,包括電影海報、年曆咭、舞台劇角色設計及網絡宣傳廣告等,悄悄地為城市注入正能量,以插畫傳遞快樂。

Amy的畫作出現於城市的每個角落,說不定你我也曾碰巧見過,並被其作品感染令心情愉快。今年 4月,記者在地鐵站內看到電影《指甲刀人魔》的海報,原來 Amy也參與其中,「海報上嘅夏威夷風格 graphic係由我畫,我之前都有同導演彭浩翔喺電影《撒嬌女人最好命》合作過,所以今次都搵番我幫手。」
今年 30歲的 Amy,作品以 3格及 4格漫畫為主,而她創作的角色「艾美仔」是以自己為原型,更畫上自己的老公,與大家分享他們兩小口的日常生活趣事。「雖然坊間有唔少人開專頁分享兩性關係及愛情故事,但我覺得每個人講故事嘅方法都唔同,所以我都好想試試。」
畫風可愛簡單及搞笑,吸引不少機構與 Amy合作,包括世界自然基金會、護膚品牌 Kiehl's、銀聯及 Tokyo Milk Cheese Factory等,「大部分都係網上宣傳畫作為主,實體嘅作品就試過製作年曆咭及參與劇團嘅手偶角色設計。」

廣告行業好玩

11年, Amy在理工大學廣告設計系畢業,之後從事了兩年廣告業的工作,亦是她首次將自己的畫作用在工作上,「我細細個就鍾意畫得意公仔, creative team嘅同事知道我鍾意畫畫,就畀我試吓,第一次喺廣告度用我嘅畫,真係幾開心。喺工作上,我成日要同插畫師溝通,通常由我哋畫草稿,再畀插畫師畫,我覺得成個過程好好玩。」
由於廣告業的工時長,每天起碼工作 16小時以上,即使有升職的機會, Amy亦希望改變現有生活模式,她毅然辭職,並開始踏上畫畫的道路。
雖看到 Amy現時的工作多得應接不暇,但她坦言初起步時,亦擔心過生計,「 13年初開專頁『艾美仔 is drawing…』,每日畫一張圖,配上一大段文字,但冇咩人睇,就知道唔係開咗個 page就搵到食,有擔心過生活嘅問題,所以初時我有接設計嘅 freelance,月入得幾千。直至有次出咗幅 4格漫畫,內容係我同老公玩一個遊戲,互相講大家嘅優點,講唔到就輸,我話佢高大嘅胸膛好可靠,佢好開心,但到佢時就直接話諗唔到認輸了。呢幅畫突然多咗好多人分享,之後每出一個 post就多 100人 like。」
於是 Amy便多畫這類型的作品,以日常生活作題材,例如煲劇時吃雪糕,老公悄悄地拿出體重磅; 2人行街買東西時,三心兩意的情況及打機時 2人的相處等。

畫撒嬌 12式

雖然 Amy在中途試過找全職工作,但經過約年多時間邊工作,邊畫畫的努力後, Amy終於做出一點成績,除了 facebook的訂閱人數以萬計外,更獲導演彭浩翔邀請她合作畫《撒嬌女人最好命》的撒嬌 12式,成為她知名度上升的契機。「因為導演同電影公司會 share,令到我多咗好多人識,之後再有唔同機構搵我合作。其中同世界自然基金會合作最難忘,嗰次係幫佢哋搞嘅環保海鮮週做宣傳漫畫,本身以為佢哋比較正經,點知接受程度都幾大,當時電視重播《大時代》嘅結局,我就用丁蟹嚟介紹唔同嘅蟹,佢哋都好欣賞!」

合作要妥協

當然,有些情況都要以客戶為先, Amy自言自己的妥協性比較高,「因為以前喺廣告公司工作過,所以明白客戶及插畫師嘅立場,會喺訊息、字型或 logo上有唔同嘅意見。有次客人唔鍾意畫風太 Q版,想要少女嘅風格,但又要用艾美仔嘅角色,我會先解釋,若客人堅持,都會嘗試滿足,盡力去拎平衡。」
現時 Amy是全職插畫師,每季約有 6至 8個小 project及 1個大型工作,每個工作收費由$5,000至$60,000不等,視乎規模而定,現時她月賺$20,000至$30,000。「除咗計劃下年推出畫集外,最近我仲涉獵到動畫製作,我覺得要珍惜眼前所有機會。」

後記:愉快的氛圍

Amy的畫作充滿歡樂,但人總有不開心的時候,當記者問她會否有沒心情作畫的時候,她說總會有,但很快就可以從作畫中調節情緒。加上她養了兩隻貓貓,只要看到牠們玩耍的身影,甚麼煩惱也消去,生活已被快樂的氛圍包圍。

艾美仔 is drawing…
Facebook@amychaiisdrawing

Amy於專頁內分享的作品,大多都以她與老公的日常生活為題。圖為她平日用手機煲劇再吃雪糕時,老公悄悄地拿出體重磅,完全不說一句話地令人火起,讓不少人看後產生共鳴,「 3格至 4格漫畫嘅方式比較多人鍾意睇,所以到現時我都係成日畫幾格漫畫。」

點入行

對於現今很多喜歡創作及畫畫的朋友想成為插畫師, Amy覺得最大的致勝方法是增加自己的曝光機會,「雖然近年 facebook加咗好多限制,但喺其他網上平台,好似 ig及自己個人網頁,都要保持更新畫作,務求畀多啲人睇到;亦唔好成日收收埋埋怕俾人抄,要對外接觸多啲。所以最近我都參加多咗展覽及比賽,喺呢類活動上見多啲人,及認識多啲唔同界別嘅人士,就自然易啲爭取到合作機會。」若未有創業打算,現時一些設計或廣告公司都需要插畫師,有興趣者可以留意相關招聘廣告。

晉升階梯

資深插畫師( 3至 4年經驗)
$20,000至$30,000

插畫師( 1年經驗)
$10,000至$15,000

撰文:霍芷晴
攝影:陳浩然
部分圖片由被訪者提供



青雲路
畫小夫妻生活趣事 艾美仔傳遞快樂能量
10-08-2017

青雲路Premium Position
90後推廣內地生活平台
10-08-2017

創業通
以過來人身分 開有特殊學習需要教育中心
10-08-2017
優越僱主