2744 2938 2623 9000 ecjobs@nextdigital.com.hk 香港新界將軍澳工業村駿盈街8號

今期熱話

青雲路 : 天龍 style變 TL style  2代接手時裝店推日韓風

每個地區都有獨特的文化,但為了趕上時代步伐,某些文化慢慢變成大家的集體回憶。在大埔及屯門隨街問問 80及 90後:「你知道天龍時裝店嗎?」可能有一半都會知道。在區內「天龍 style」乃 MK的代名詞,不過區內客總有一兩件天龍出品的 tee。今年 28歲的 Keith,半年前辭去工程師工作,全職接手父母的時裝店,他眼見近年生意每況愈下, MK風是時候要改變,他決定改頭換面大翻新,店內裝修、包裝及衣服風格全改以日韓簡約風,電腦系統管理亦取代人手作業。甚至店名也改為 TL Store,以全新形象打入年輕人的市場。

對於大家提到「天龍 style」一詞便聯想到 MK風格的衣服, Keith尷尬地表示覺得有點貶義,但同時他亦感到欣慰,由父母一手建立的品牌能帶着人情味,留於大家的記憶中,可惜鋪頭的經營方式未能與時並進,導致差點結業收場,「業績每況愈下一定有原因,既然大家都指係風格問題,我就試下去改,睇吓有冇轉機。」為了保留這份人情味及父母的寄託, Keith辭去工程師一職,並從揀貨入手,為鋪頭改革,轉型後店鋪盈利約比以前多了 2成。
12年, Keith在理工大學屋宇設備工程系畢業,其後在建築公司工作了 4年,適逢去年家人想將鋪頭結業,他一方面感到可惜,另一方面想測試自己的能力而嘗試接手。「自初中起,每逢節日旺季我都會到鋪頭幫手,但我只負責收銀,冇真正去了解過服飾種類及營運方式等範疇,直至上年全職打理鋪頭,我就要去了解間鋪嘅營運模式。」
TL Store有大埔及屯門兩間分店, Keith主力負責大埔店,父母則打理屯門店。現 TL Store售賣日韓風格及自家設計的衣服,包括衞衣、 tee及外套等,圖案及字樣比較細小及簡潔,「平時有參考日本及韓國嘅時裝雜誌,去旅行亦會留意唔同嘅時裝店,發現簡約風比較受年輕人歡迎,嵋家我入貨多數會揀少圖案,但有少少設計如織帶及旗嘜等款式

設計新 logo

Keith更為新公司設計了新的鹿頭 logo,並融入於衣服設計中,「包裝觀感都好重要,為咗令所有貨品望落一體化啲,無論係批發與自己設計嘅衫,每件我都加番公司嘅 tag,觀感會好啲,希望可以提高競爭力。」
除了入貨風格改變外,為了令管理貨物更有系統, Keith還購入了電子化的收銀及查貨系統,令運作電腦化,「一件貨有好多隻色及好多碼,以前本簿淨係 mark咗有幾多件,但碼數就要入倉搵先知。嵋家採用電腦系統,顏色、碼數、數量及邊間分店有貨嘅資料,都一目了然。甚至唔同款色嘅銷量都好清楚,容易啲去制定減價嘅策略。試過見到有款外套因為同大品牌出嘅款太似,價錢又相約,客人梗係揀買大牌子啦,所以我哋賣得好少,喺減價清貨後就唔再入貨。」

請教父母入貨知識

雖然運作更暢順及有效率,但在挑選貨品質料及與廠房溝通方面, Keith仍需請教父母,「好似每個碼要入幾多件,佢哋會有經驗;另外,父母喺揀質料方面一定比我熟,摸吓就知係咩質地及耐唔耐穿,例如針織及梳織都有分唔同針數,多針數會實淨啲及冇咁易起毛粒。」相信這亦是不少屯門友到現在還在穿天龍出品的 tee的秘訣。
兩代各有可取之處,但新舊融合,難免會有矛盾的地方, Keith表示當初決定接手時,爸爸並不支持,「覺得我做開工程,係行外人,對時裝店唔熟悉,怕我搞唔掂,我哋成日鬧交。我哋會就裝修、貨品價格、款式及請人等方面有唔同嘅意見,好似一啲簡約款式嘅設計,本身會先畀佢過目,但佢最初質疑會賣唔出,又畀唔到實際意見。媽媽就好支持我,會做我哋溝通嘅橋樑。」余太則表示,雖然余生表面上反對,但見 Keith如此用心及努力,其實都不阻止轉型,兩老亦有信心讓兒子將來全權承繼鋪頭。

媽媽客變年輕人

客人方面,也有明顯的轉變, Keith說:「以前係媽媽及大叔客嚟幫仔女買衫為主,嵋家多咗後生仔親身嚟睇。」現時大埔及屯門店每月各約賺 1.5萬,生意稍為有起色。但在招聘人手上, Keith表示有一定的困難,「流失率都幾大,想請後生嘅店員,但大部分都冇乜責任心,希望用多啲網上途徑宣傳,請人嘅效率會提升。」
轉型後,除了在 facebook及 ig上載親自拍攝的貨品相外, Keith還開設了網站,希望實體鋪及網店雙管齊下。「短期目標係喺旺角搵樓上鋪開分店,接近番市中心,方便到唔同嘅客人。」

後記:獨特的地區文化

首次聽到「天龍 style」時,記者覺得很有趣,於是粗略地問住在屯門的朋友對這品牌有沒有印象,他們都雀躍地表示深深記得那些多用途褲、鐵鏈牛仔褲及板仔衫等 MK愛好者風格的衣服,大部分更有幫襯過。這些地區文化與集體回憶都很珍貴,能在一個地區做到如此有名聲,實在厲害。由於記者多次搬屋,所以對於居住的區域都沒有太深的歸屬感,大家擁有對屬於自己所住地區文化的回憶,真的非常難得。

撰文:霍芷晴
攝影:林文樂



青雲路
天龍style變TL style 2代接手時裝店推日韓風
20-04-2017

青雲路
直擊活力之星總決賽2017
20-04-2017

青雲路Premium Position
專營韓國化妝品零售及批發 每年3億營業額
20-04-2017

創業通
退役小兵 開氹人專門店教送禮
20-04-2017
優越僱主