2744 2938 2623 9000 ecjobs@nextdigital.com.hk 香港新界將軍澳工業村駿盈街8號

學海無涯

學按摩手法及操作設施 去酒店做水療師

今年年頭上映的電影《救命解藥》,講述男主角到山上的水療中心尋人,雖然是一套驚慄片,但當中描繪的水療中心,設備美觀又新式,不禁令人想試試。現實中,水療配合按摩確實有舒緩疲勞及治療作用,酒店、會所及美容中心都很缺人,對美容水療行業有興趣者,可以先學習中西式按摩手法、操作各種水療設施及了解安全事項,練習到一門專門的手藝後,便可以當水療師。

今年19歲的Aster,於14年到酒店及旅遊學院修讀酒店水療身體護理證書課程,今年畢業後,她獲得學院聘用為水療訓練中心的見習生,「我一向對美容及身體治療有興趣,覺得呢個課程好實用。一開始會教我哋人體嘅結構、中西式嘅按摩手法、做facial 嘅步驟,本身以為SPA只做按摩,原來仲要學識各種水療設施嘅操作程序及安全守則,例如水力按摩池、桑拿室、蒸氣浴室、維琪浴、蜜蠟脫毛機及瘦身機等。」

學按摩有難度

Aster覺得課程中的按摩一環最有難度,「按摩分為中式嘅穴位與經絡按摩,及西式嘅瑞典式與夏威夷式按摩。當中嘅力度好難掌握,最初我試過用錯力,扭傷咗隻手,仲要入醫院,幾個星期後先好番。按摩唔可以用死力,要慢慢練習拿揑用陰力,調節力度。」

實習期面對真客人

Aster現在的工作主要負責接待、身體按摩及預備房間物資,即使對待真實的客人,亦沒有驚惶失措,「喺在學期間,設有1至2個月嘅實習期,我哋已經接待過真正嘅客人,所以正式工作就會習慣。反而喺實習時,會有少少甩漏,因為上堂時,練習對象係同輩嘅同學,唔會有壓力,同埋有唔識可以即刻問導師,但喺實習期間係1對1對客,我要試吓獨自應付客人嘅要求。」

 

被動都要學主動

從事水療行業近20年的高級教導員Tina表示,實習機會可以同時訓練學員的溝通能力,「酒店以外國客人為主,平時比較被動嘅學員都需要令自己主動接待客人,從中練習溝通,亦對真實工作嘅環境及程序有所認識。」

畢業學員大多到各酒店、會所、水療中心及美容產品公司就業,Tina表示:「喺修畢課程後,學院嘅就業組會為學員轉介工作,以酒店水療師為例,月薪約由$12,000起,佣金大約為8%至10%。」

 

優越僱主