2744 2938 2623 9000 ecjobs@nextdigital.com.hk 香港新界將軍澳工業村駿盈街8號

學海無涯

抗秋冬乾燥天氣 自製天然補濕面膜護手乳液

望穿秋水終於到秋天了,女士們雖然有藉口可以買新衫轉季,但不要忘記要面臨天氣乾燥,皮膚缺水及痕癢。如果想保持靚靚的肌膚,不妨報讀坊間天然護膚品的工作坊,學習製作全天然補濕面膜及護手乳液,keep住超水潤的肌膚之餘,更不含防腐劑,用得健康。

本式工作坊的導師Christine有超過10年製作天然護膚品的經驗,她教授學員製作精華液面膜及護手乳液,以應付秋冬天氣。Christine說:「秋冬天氣乾燥,好易令皮膚缺水,油脂分泌亦相對減少,出現皮膚又乾又痕嘅情況,所以精華液面膜及護手乳液都加重保濕鎖水嘅功效,為皮膚鎖水保濕。」

 

可作精華液使用

保濕精華液面膜,可因應個人喜好,調教濃稠度,亦可當精華直接塗上臉,Christine說:「加入咗大小分子嘅玻尿酸原液,因為小分子玻尿酸分子細,可以進入毛孔,為肌底進行保濕;大分子玻尿酸有鎖水保護嘅作用,避免小分子嘅流失。今次加入咗金箔,可加強精華液嘅導入效果,適合任何皮膚屬性使用。我建議2、3日敷一次,亦可以上妝之前敷一敷,令妝容更貼服。如果當精華液使用,可以早晚搽一次。」

調配自家味道

由於秋冬天氣乾燥,雙手會㿺㿭甩皮,Christine會教授製作潤手乳液,隨時隨地滋潤雙手,「當中使用甜杏仁油及維他命E,有保濕功用及舒緩抗敏嘅作用,滋潤乾燥肌膚,減輕乾燥帶嚟嘅痕癢;維他命E更有抗氧化嘅功效。另外,學員可以加入自己鍾意嘅精油味道,調配屬於自己嘅潤手乳液。」

優越僱主