2744 2938 2623 9000 ecjobs@nextdigital.com.hk 香港新界將軍澳工業村駿盈街8號

學海無涯

學海無涯 : 汽車維修課程 啱女生報讀

香港地人多車亦多,根據運輸署統計數字,本港登記汽車數目超過 75萬架,造就汽車業的發展,因此對汽車維修人員有一定需求。想入行除了去車房由學徒做起外,亦可以報讀青年學院的職專文憑(汽車科技),學習不同的汽車維修知識及汽車零件的原理,導師表示課程適合女生報讀,她們可勝任維修及分析損壞的工作。

課程由卓越培訓發展中心(汽車業)教導員李廣浩及多名導師任教,李 sir表示課程以實踐為重,讓同學與社會接軌,「課程教授學員重型車及輕型車的維修知識、包括汽車系統及電子電路。我哋有工場畀學員親身去實習維修嘅汽車工序,最近有瑞典車廠贊助我哋一套模擬診斷器,有齊所有歐盟 6期商用車嘅排放及電子系統等,畀學員去學習。」

睇維修手冊最困難

李 sir表示維修汽車最重要是睇維修手冊,也是學員最感困難的部分,「每款車會有自己嘅維修手冊,維修手冊係話畀我哋知架車點整,每粒螺絲要用幾多力,加上全部都係英文,所以對學員有點吃力。」
課程重視安全意識,凡學員進入工場,必須穿戴工衣、手套、安全眼鏡及安全鞋,李 sir說:「維修汽車嘅第一步先要做好保護措施,用沙板布封好原好的零件,然後用電腦檢查損壞嘅部分,學員分析損壞嘅原因,就可直接進行維修。」

女學員愛噴漆

維修汽車讓人感覺是男性的工作,但李 sir表示女生也適合汽車維修,現有不少女生入行,今次課程已有 6位女學員參加。「雖然女仔喺搬搬抬抬、氣力上會輸蝕,但女仔比較細心,會留意細微位,特別喺細微零件維修、扭螺絲嘅力度會控制得較好。其他維修知識及分析損壞,女同學表現得都唔錯,加上課程包括汽車噴漆,講求耐性、細心及有少少藝術天分,女學員都好鍾意呢個部分。」
修畢課程的學員可以選擇投身社會工作或繼續進修,李 sir說:「畢業嘅學員可以去各大車廠做學徒,跟師傅學習,增加更多實戰經驗,起薪點約$9,000至$10,000;學員亦可選擇繼續進修,升讀高級文憑,然後成為技術員學徒,負責技術控制,到時起薪點約$12,000起。」

課程:職專文憑(汽車科技)
機構:青年學院
對象:中三或中六畢業
學費:$20,500( 1年)
堂數: 3年或 1年全日制
內容︰汽車工藝學、汽車系統簡介、維修引擎、重型車輛維修、車身損毀分析、車身修理、汽車噴漆、氣體金屬極電弧焊接及工程科學等。
查詢: 2748 8555

青年學院職專文憑(汽車科技)學生  Wing
細個覺得車可以喺路上行走係好神奇嘅事,所以想入行了解更多,發覺整車冇想像中咁污糟。我覺得課程最實用嘅部分係汽車噴漆,可以幫架車上色好好玩,有時仲加少少創意去做,冇咁死板,畢業後想加入汽車美容行業。

青年學院職專文憑(汽車科技)學生 軒
自小已經對汽車情有獨鍾,想理解車嘅運作,順便可以幫朋友整車。課程最實用係底盤維修,學識之後可以運用番出嚟,之前有朋友架車個火嘴壞咗,我幫佢整番好,好有成功感。

卓越培訓發展中心(汽車業)教導員 李廣浩
學員大部分以男性為主,不過近年多咗女學生報讀入行,女生除咗力氣稍弱外,喺技巧上,男女學員都能夠勝任。

撰文:邵苑雯
攝影:葉偉豪



學海無涯
汽車維修課程 啱女生報讀
07-09-2017

上COURSE
學設計訓練活動 支援特殊學習需要學生
07-09-2017
優越僱主