2744 2938 2623 9000 ecjobs@nextdigital.com.hk 香港新界將軍澳工業村駿盈街8號

學海無涯

學海無涯 : DSE畢業生啱讀 學執房加入酒店業

電視劇《全職沒女》講述有關在酒店工作的人與事, DSE考試剛完結,各 DSE畢業生有否想過加入酒店業,幻想遇到像陳瀅一樣的同事?現實中,酒店從業員的工作十分繁忙,例如要在指定的時間內執拾好房間,絕不輕鬆。其實坊間有不少有關酒店營運的課程,讓有心入行的人士報讀,學識行業運作及各職位的工作技巧,為入行作好準備。

課程由已從事酒店業近 10年的曾 sir任教,課程主要分為 3個必修範疇,分別是房務、客務及餐飲,「房務主要教整理房間嘅程序;客務主要學酒店嘅前枱工作;餐飲就會教學員餐飲部及餐廳嘅運作。另外,學員仲需要修讀一個選修科目,包括西廚、水療、項目統籌及旅遊款待等。」酒店營運課程現分為一年制文憑課程及兩年制證書課程,分別適合考完 DSE及中三畢業的同學去報讀。

27分鐘執好房

就房務知識方面,曾 sir表示會教學員房間整理、房間佈置、毛巾摺法、花藝及洗衣房機器運作等技巧。在電視劇《全職沒女》中,曾提及用 30分鐘不夠時間執拾房間,曾 sir卻表示在現實中,全個過程應在 27分鐘內完成,「房務員整理一間房間嘅程序,包括檢查房間有冇損壞、清理垃圾、執床、換床單、換被袋和枕頭套、抹塵、添置文具、清理浴室垃圾、添置洗頭水等用品、更換毛巾、清潔洗手盤及浴缸、洗杯、吸塵及最後檢查。學員需通過考核,要喺 27分鐘內完成全個過程,先算合格。」

到實習酒店受訓

學院提供了訓練房間及模擬酒店客房讓學員練習,練習合格後,學員需在學院的實習酒店 T Hotel進行合共 180小時的實習,「實習期約 1個月,學員會喺酒店入面服務真嘅客人。除咗應用課堂學到嘅技巧外,佢哋仲會面對真實客人嘅問題,好似客人搵唔到私人物品要點處理,同埋配合 check in check out時間執床等,訓練到大家嘅解難能力。」
修畢課程後,學院會轉介合適的學員到各酒店工作,「有畢業嘅同學去咗四季酒店、洲際酒店及喜來登酒店工作。」現時酒店房務員的起薪點約為$11,000至$14,000。

導師 曾 sir

喺學員去實習酒店實習前,學院設有好多模擬房間及設施畀學員練習,好似有客房、唔同嘅吸塵機,仲有各種質料嘅牆身及地板,包括磚牆、紙皮石、磁磚及雲石等,教學員相應嘅清潔方法。

學員/ 17歲  Yuki

我覺得學院提供實習酒店畀我哋練習真係好好,可以嘗試應付唔同問題,知道處理嘅方法。我試過遇到有位客人喺執房後搵唔到自己個眼罩,我哋全部人一齊搵都搵唔到,於是我哋買過個新嘅畀佢,雖然最後喺佢 check out後執房搵得番,但經過今次,我會學識要睇清楚客人嘅私人物品放喺邊。

課程:酒店營運文憑

機  構:酒店及旅遊學院
入學條件:完成中六(新高中學制),或完成中五並於 HTI/ CCI/ ICI銜接課程取得合格資格或同等學歷,及面試合格。
年  期: 1年
費  用:$16,700
內  容:教授學員客務服務、營運房務服務、營運餐飲服務、營運酒店管理、綜合學習體驗、職業英語及普通話。
查  詢: http://www.hti.edu.hk

課程:酒店營運證書

機  構:酒店及旅遊學院
入學條件:中三或以上程度,須年滿 15歲及面試合格。
年  期: 2年
費  用:$33,400
內  容:介紹旅遊服務業概述、電話及訂房服務、禮賓及前枱服務、客房及公共地方服務、洗衣房營運、餐廳及酒吧服務、餐廳營運、職業英語、普通話、中文及數學、電腦軟件應用、食物成本控制等課題。
查  詢: http://www.hti.edu.hk

撰文:霍芷晴
攝影:葉偉豪



學海無涯
DSE畢業生啱讀 學執房加入酒店業
18-05-2017

上COURSE
入行做物理治療助理 從扶抱轉移技巧學起
18-05-2017
優越僱主